പ്രിയരേ..!
പൊന്നാനി ഇരുപത്തി അഞ്ചാം വാര്‍ഡില്‍ (കടവനാട്) താമസിക്കുന്ന ബാവകുട്ടി എന്ന ആള്‍ കഴിഞ്ഞ എട്ടു വര്‍ഷങ്ങളായി വൃക്ക സംബന്ധമായ അസുഖം മൂലം ചികിത്സയിലാണ്. കഴിഞ്ഞ രണ്ടു വര്‍ഷമായി ഇദ്ദേഹത്തെ ഡയാലിസിസിനു വിധേയനാക്കിക്കൊണ്ടിരിക്കുന്നു.ആദ്യമൊക്കെ മാസത്തില്‍ രണ്ടു തവണയാണ് ഡയാലിസിസ് ചെയ്തിരുന്നത് എങ്കിലും കഴിഞ്ഞ മൂന്നു മാസമായി മാസത്തില്‍ മൂന്നു തവണ ചെയ്യണം എന്ന നിലയിലേക്ക് എത്തിയിരിക്കുന്നു..സാമ്പത്തികമായി വളരെ ബുദ്ധിമുട്ട് അനുഭവിക്കുന്ന ഒരു കുടുമ്പമാണ് അദ്ദേഹത്തിന്റേത് .
ഭാര്യയും വിവാഹപ്രായമെത്തിയ രണ്ടു പെണ്മക്കളും ഒരു മകനും അടങ്ങുന്ന അദ്ധേഹത്തിന്റെ കുടുംബം ഒരു ചെറിയ ഓലക്കൂരയിലാണ് താമസിക്കുന്നത്.. മൂത്ത മകള്‍ തയ്യല്‍ ജോലിക്ക് പോയി ലഭിക്കുന്ന തുച്ചമായ വരുമാനം കൊണ്ടാണ് ഇപ്പോള്‍ ആ കുടുമ്പം കഴിയുന്നത്‌.. പ്രദേശത്തെ ഒരു സംഘടനയാണ് അദ്ദേഹത്തിന് വേണ്ട രക്തം ദാനം ചെയ്യുന്നതും ഹോസ്പിറ്റലില്‍ കൊണ്ട് പോകുന്നതും . അദ്ധേഹത്തിന്റെ ഇത് വരെയുള്ള ചികിത്സയിലൂടെ വലിയൊരു സാമ്പത്തിക ബാധ്യതയാണ് ആ കുടുമ്പത്തിനു ഉണ്ടായിരിക്കുന്നത് .ഇദ്ദേഹത്തിന്റെ ചികിത്സക്ക് വേണ്ടി പ്രദേശത്ത് ആരും മുന്‍കൈ എടുത്തു കമ്മറ്റി രൂപികരിക്കുകയും മറ്റും ചെയ്യാത്തതിനാല്‍ ഈ പ്രശ്നം പുറം ലോകം അറിയാതെ പോവുകയും ഇദ്ദേഹത്തിനു വേണ്ട സഹായം ലഭിക്കാതെ പോവുകയും ചെയ്തിരിക്കുന്നു... ആ കുടുംബത്തിന്റെ അത്താണിയാണ് അദ്ദേഹം.. സുമനസ്സുകളുടെ കാരുണ്യത്താല്‍ ഒരുപാട് രോഗികള്‍ക്ക് നമ്മുടെ ഈ ഗ്രൂപ്പിലൂടെ സഹായം ലഭിച്ചിട്ടുണ്ട്.. സാമ്പത്തിക ബുദ്ധിമുട്ട് അനുഭവിക്കുന്ന ഈകുടുംബ നാഥന്റെ തുടര്‍ ചികിത്സക്ക് വേണ്ടി , ഇദ്ദേഹത്തിന്റെ കാര്യത്തിലും നിങ്ങളിലൂടെ അങ്ങനെയൊരു നല്ല തീരുമാനം ഉണ്ടാകുമെന്ന് പ്രതീക്ഷിക്കുന്നു..! ഇവരുടെ കോണ്ടാക്റ്റ് നമ്പരും മകളുടെ ബാങ്ക് അക്കൌണ്ട് നമ്പരും ഇവിടെ കൊടുക്കുന്നു..
ബാവ കുട്ടി
അമ്പലത് വീട്ടില്‍
കടവനാട്
കോണ്ടാക്റ്റ് നമ്പര്‍. 9037176384
............................................................
safeela a .v
സൌത്ത് ഇന്ത്യന്‍ ബാങ്ക്
വെളിയങ്കോട് ബ്രാഞ്ച്
0165053000051827","type":22}">

Sidheeque Kadavanad ന്റെ ഫേസ്ബുക്ക് പോസ്റ്റ്

അറബിക്കടലും നിളയും ബിയ്യം കായലും കടവനാട്ടെ പുഴയും ഇടശ്ശേരിയൻ ഭാഷയിൽ "ചീറിയലറുമലയാഴിയാം വാക്യത്തിന്നു കീഴ്‌വരയിട്ടപോലാം കനോലിക്കനാലും " കെട്ടിപ്പുണർന്നും പൊട്ടിച്ചിരിച്ചും പരിഭവം പറഞ്ഞും പൊന്നാനിയുടെ ഞരമ്പുകളും വരമ്പുകളുമാകുന്നുണ്ട്. കൊടും വേനലിൽ നേർത്തു പോകാറുണ്ട്. എങ്കിലും ജലസുലഭമാണ് പ്രദേശം. വെള്ളത്തിലെ ലവണാംശം പലയിടത്തും വില്ലനാണ്. കുടിവെള്ളക്ഷാമം രൂക്ഷം. പുതിയ ചമ്രവട്ടം പദ്ധതി അതിനു പരിഹാരമാകുമെന്ന പ്രതീക്ഷ മുന്നോട്ടുവെക്കുന്നു.

പത്തറുപതു കൊല്ലം മുൻപ് കുറ്റിപ്പുറം പാലം ഉയർന്നു പൊങ്ങിയ സമയം. പാലത്തിൽ നിന്ന് നിളയിലേക്കു നോക്കി നിൽക്കവേ, മനുഷ്യന്റെ നിരുത്തരവാദപരമായ പ്രകൃതിവിഭവങ്ങളോടുള്ള സമീപനം വിദൂരമല്ലാത്ത ഭാവിയിൽ  പുഴയിൽ എന്തു മാറ്റമുണ്ടാക്കുമെന്ന് ഇടശ്ശേരി പ്രവചിക്കുന്നു.

“കളിയും ചിരിയും കരച്ചിലുമായ്-
ക്കഴിയും നരനൊരു യന്ത്രമായാല്‍,
അംബ,പേരാറേ നീ മാറിപ്പോമോ
ആകുലയാമൊരഴുക്കുചാലായ്“

പ്രവചനം യാഥാർത്ഥ്യമാകയാണ്. കുടിവെള്ളത്തിനു വേണ്ടിയാകും അടുത്ത മഹായുദ്ധമെന്ന് ചുവരിൽ എഴുതിപ്പിടിപ്പിച്ചത് ആരാണ്. മനുഷ്യന്റെ അടങ്ങാത്ത അത്യാർത്തി എല്ലാം വെട്ടിപ്പിടിക്കണമെന്ന് അവനു പ്രേരണയാകുന്നു. അവൻ കാലുറപ്പിച്ച ഭൂമിയെതന്നെ പിളർത്തിനോക്കയാണ്. തന്റേതാക്കാൻ ഇനിയെന്താണ് ബാക്കി എന്ന സ്വാർത്ഥത.

കവിതയിലേതു പോലെ നിള ഒരഴുക്കുചാലാകയാണ്. വെള്ളത്തിൽ ഖരമാലിന്യങ്ങളും ഇരുമ്പിന്റെ അംശവും കൂടുതലാണെന്നാണ് പഠനം. ഭൂഗർഭ ജലത്തേയും അത് മലിനമാക്കിക്കൊണ്ടേയിരിക്കുന്നു. കണക്കില്ലാതെ മണലൂറ്റുന്നു, ജലമൂറ്റുന്നു, വ്യാവസായിക മാലിന്യങ്ങൾ പുഴയിലേക്കൊഴുക്കുന്നു. പുഴ മലിനമാകുന്നു. പരിസരങ്ങളിലെ കിണറുകൾ മലിനമാകുന്നു.

കുടിവെള്ളവും കൃഷിക്കാവശ്യമായ വെള്ളവും പുതിയ ചമ്രവട്ടം പദ്ധതിയിൽ നിന്നും കിട്ടുമത്രേ... പക്ഷേ ഒരഴുക്കു തടാകമായി നിളമാറിക്കൊണ്ടിരിക്കുമ്പോൾ നാമെങ്ങിനെ ആശ്വസിക്കും. വാർത്ത കാണാം, താഴെ.

ലക്കും ലഗാനുമില്ലാത്ത പ്രകൃതിവിഭവങ്ങളുടെ ചൂഷണം ഒരു പ്രദേശത്തിലെ ജലത്തെ മാത്രമല്ല സമൂഹത്തെ മൊത്തത്തിൽ മലിനമാക്കുകയും ഇല്ലായ്മചെയ്യുകയും ചെയ്യുമെന്ന് മനസ്സിലാക്കാൻ നേരമില്ലാത്ത കാലത്തെ ഒരു ചമ്രവട്ടം പാലമെങ്ങിനെയാണ് സംരക്ഷിച്ചു നിർത്താൻ പോകുന്നതെന്ന് ഒരു പിടിയുമില്ല.